Higher Education

Higher Education

पुणे विद्यापीठात नवीन कोर्स ब्लेन्डेड लर्निंग अँड टीचिंग

PUBLISH DATE 23rd August 2019

सावित्रीबाई फुले पुणे विद्यापीठ आणि ऑस्ट्रेलियातील द युनिव्हर्सिटी ऑफ मेलबर्न यांच्यात करार करण्य़ात आला असून, त्यानुसार विद्यापीठाच्या शैक्षणिक संकुलात युनिव्हर्सिटी ऑफ मेलबर्न अकॅडमी फॉर ब्लेन्डेड लर्निंग अँड टीचिंग या अकादमीची येत्या महिनाभरात स्थापना होणार आहे. या अकादमीद्वारे शैक्षणिक आदान-प्रदान कार्यक्रमांसोबतच नवे नावीन्यपूर्ण रोजगाराभिमुख अभ्यासक्रम सुरू करण्यात येणार आहेत. यंदाच्या शैक्षणिक वर्षापासून विद्यापीठाच्या संकुलात बीएस्सी ब्लेन्डेड अभ्यासक्रम सुरू झाला असून, त्यालाही विद्यार्थ्यांनी उत्तम प्रतिसाद दिला आहे.

विद्यापीठात बीएसस्सी ब्लेन्डेड अभ्यासक्रमाच्या पहिल्या बॅचचा पदवीप्रदान समारंभ पार पडला. या वेळी प्रमुख पाहुणे म्हणून द युनिव्हर्सिटी ऑफ मेलबर्नचे कुलगुरू प्रा. डंकन मस्केल, उपकुलगुरू डॉ. अशोक कुमार, सावित्रीबाई फुले पुणे विद्यापीठाचे कुलगुरू डॉ. नितीन करमळकर, कुलसचिव डॉ. प्रफुल्ल पवार, ‘आयसर’चे डॉ. व्ही. एस. राव आदी उपस्थित होते. त्यानंतर झालेल्या पत्रकार परिषदेत प्रा. मस्केल आणि डॉ. करमळकर यांनी कराराबाबत माहिती दिली.

प्रा. मस्केल म्हणाले, ‘येत्या महिन्यात युनिव्हर्सिटीचे शिष्टमंडळ सावित्रीबाई फुले पुणे विद्यापीठाला भेट देणार आहे. या भेटीत समाजिकशास्त्र आणि कला शाखेत ब्लेन्डेड अभ्यासक्रम सुरू करण्याबाबत चर्चा करण्यात येईल, तर बीएसस्सी ब्लेन्डेड अभ्यासक्रम पूर्ण करणाऱ्या विद्यार्थ्यांना विज्ञान, तंत्रज्ञान, अभियांत्रिकी आणि गणित शाखेत पदव्युत्तर शिक्षण घेण्याची संधी मिळेल. रुचा पाटील या विद्यार्थिनीने मास्टर ऑफ बायोसायन्सेस अभ्यासक्रमाला प्रवेश घेतला असून, ‘जॅम’ प्रवेश परीक्षेत ११ हजार विद्यार्थ्यांमधून पहिला आलेला सौमित्र भिडे हा विद्यार्थी येत्या शैक्षणिक वर्षापासून पदव्युत्तर शिक्षणाला सुरुवात करणार आहे.’

डॉ. करमळकर म्हणाले, ‘विद्यापीठाशी संलग्न असलेल्या मॉडर्न कॉलेजमध्ये बीएस्सी ब्लेन्डेड अभ्यासक्रम २०१६ मध्ये सुरू करण्यात आला. यंदाच्या शैक्षणिक वर्षापासून तो विद्यापीठाच्य़ा शैक्षणिक संकुलात सुरू करण्यात आला आहे. विद्यार्थ्यांना कमी शुल्कात गुणवत्तापूर्ण शिक्षण घेण्याच्या दृष्टीने फिजिक्स, केमेस्ट्री, अर्थ सायन्सेस, भूगर्भशास्त्र अशा चार विषयांमध्ये ब्लेन्डेड बीएस्सी अभ्यासक्रम पूर्ण करता येणार आहे. या अभ्यासक्रमात एक सत्र संगणकीय शिक्षणावर आधारित राहणार आहे. या अभ्यासक्रमाची प्रवेशक्षमता ४८ आहे.’

विद्यापीठात अभ्यासक्रम पूर्ण झाल्यानंतर विद्यार्थ्यांना युनिव्हर्सिटी ऑफ मेलबर्नमध्ये जाऊन एका वर्षाचे शिक्षण पूर्ण करण्याची संधी देण्यात येणार आहे. विद्यार्थ्यांच्या मागणीनुसार ही संधी उपलब्ध करून देण्यात येईल. हे अतिरिक्त शिक्षण घेणाऱ्या विद्यार्थ्यांना बीएस्सी ऑनर्सची पदवी मिळणार आहे.

Aptitude Test | Career Counselling | Option From Filling | Admission Assistance | 

Call 77200 25900 or 77200 81400

11th Admissions (FYJC) & DTE Cut-off App https://goo.gl/rT2vXd

For all latest Govt Jobs 2019Railway JobsBank Jobs and SSC Jobs log on to https://goo.gl/YPjt94 We bring you fastest and relevant notifications on Bank, Railways and Govt Jobs. Stay Connected

Image result for click here gif http://fyjc.vidyarthimitra.org

| Govt. & Private Jobs, Internships, Campus Drive, Off-campus & many more |

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा